Lëvizja Popullore e Kosovës kërkon lirimin e menjëhershëm të çlirimtarëve të Kosovës: Hashim Thaçi, Rexhep Selimi, Jakup Krasniqi, Kadri Veseli, si dhe Sali Mustafa e Pjetër Shala, të cilët vazhdojnë të mbahen në paraburgim dhe, sipas qëndrimit tonë, padrejtësisht.
LPK shpreh shqetësimin e saj të thellë për mbajtjen e tyre larg familjeve dhe vendit të tyre, duke vlerësuar se kontributi i tyre në luftën për çlirimin e Kosovës nuk mund të mohohet dhe nuk duhet të njolloset.
Ne kërkojmë që drejtësia të jetë e paanshme, e barabartë dhe e bazuar në fakte, duke respektuar plotësisht të drejtat themelore të çdo të akuzuari dhe parimin e prezumimit të pafajësisë.
Lufta e Ushtrisë Çlirimtare të Kosovës ishte luftë për liri dhe çlirim nga pushtimi dhe represioni serb.
Ata që sakrifikuan për lirinë e Kosovës meritojnë respekt dhe dinjitet.
LPK u bën thirrje institucioneve vendore dhe ndërkombëtare që të garantojnë një proces të drejtë dhe të shpejtë dhe që, në përputhje me ligjin, të ndërpritet mbajtja e padrejtë e çlirimtarëve tanë.
Liria dhe drejtësia për çlirimtarët e Kosovës!
Lëvizja Popullore e Kosovës
15 shtator 2026
